Til að byrja með hét þessi heimasíða Friðarboðinn.is, svo Konni.is og loks Spor í Sandi.com. Frá byrjun var henni ætlað hlutverkið Guðs Orð, ásamt því að vera prívat heimasíða Guðsmannsins Konráðs Rúnars Friðfinnssonar.
Mögulega árið 2010 fær síðan sína fyrstu andlitslyftingu og er nafni hennar þá breytt úr Konni,is í Spor í Sandi en heldur öllum upphaflegum markmiðum. Sumir velja að gerast óvirkur á akrinum og missa forrétindin af að þjóna Drottni ævina á enda. Ekki gefast upp. En hver skilur fólk?
Hafnarfjarðarhöfn samanstóð eitt sinn af eintómum GK-bátum, GK-togurum, GK-vertíðarbátum og GK-síldarbátum, eins og Faxa, GK Guðrúnu GK, og stoltinu, Eldborg GK. Þessu á sínum tíma var breytt í HF og fengu Keflavík, Sandgerði og Garður, muni ég, rétt GK-stafina á báta sína. Fór þá góður biti í hundskjaft. Grín. Flensborgarskóli blasir óbreyttur við með sama lit og verið hefur. Þar, um vorið 1968, lauk skólaskyldu minni og man ég vel hversu fegin ég var er ég gekk niður allar tröppurnar niður á Brekkugötu og gekk þaðan heim á Hellisgötu 15 með ekki falleinkunn í farangrinum en samt engar tölur til að státa af. Og en lifi ég.
Lóðsbáturinn Hamar í Hafnarfirði er sami bátur og ég sá togarann Júní GK stíma á og hvolfa í Hafnarfjarðarhöfn. Stóð ég fremst á stefni Júnís, sem var að koma til hafnar eftir fiskirí, og sá Hamar sigla meðfram skipinu og snarbeygja í veg fyrir það fast upp við kúluna fremst. Togarinn rakst á bátinn og hvolfdi honum. Og sá ég allt fara á bólakaf og bátinn skjótast upp skömmu síðar og sigla fulla ferð fyrir suðurhorn Nýju Bryggju og til bóls síns fyrir framan Verkmannaskýlið í Hafnarfirði. Svolítið fát kom á og gekk illa að skipta skrúfu Júnís á áfram. Rakst Júní GK á enda syðri hafnargarðs og festist þar stundarkorn. Engin slys urðu á fólki og tjónið ekki mikið, en tafði samt.
2008. Söguleg mynd. Í húsinu ofan við Ráðherrabústaðinn funda ráðamenn þjóðarinnar daginn eftir bankahrunið 2008. Allt stór- Reykjavíkursvæðið er stopp. Allar spurningarnar sem gengu þá með fólki. Það er ráðalaust. Talað var um þjóðargjaldþrot. Spurningin hins vegar er hvort land, þjóð, geti orðið gjaldþrota. Og hvernig þá? Land hefur áfram sömu möguleika og var. Það státar áfram af gjöfulum fiskimiðum sem ekkert fór af. Nei. Land, þjóð, getur ekki orðið gjaldþrota þó svo væri talað og blórabögglar fundnir og dregnir fram til „háðungar og húðstýkingar“. Þeir voru taldir valda öllu þessu. Engir fáir hafa slíkt vald.
Af hverju heimasíða? Ber líf einstaklings heimasíðu? Vissulega.
Líf manna og kvenna er merkilegt. Samt segir fólk: „Ekkert sérstakt.“ Hvað er sérstakt, sé líf einstaklings ekki sérstakt?
Að tjá sig er öllu fólki gefið. Að stunda vandvirkni er lært ferli.
Af hverju heimasíða? Ég sá með henni leið til að flytja Guðs orð og einnig að gera margt fleira og alveg milliliðalaust.
Viti. Smárakirkja. Bæði hafa svipaðan tilgang. Þau vísa veginn.
Þetta er skipið Magni, magnað alveg hreint.
Margsinnis hann dró að landi báta.
Oft var lagt frá bryggju í býtið eða seint.
Birtist Magni, gerði áhöfn káta.
Mynd til vinstri. Fjaran við Herjólfsgötu í Hafnarfirði. Skarfurinn er kominn og fleiri en einn og tveir. Þeir notfæra sér klettinn er sjórinn sígur frá og blaka vængjum á honum. Einn komst ekki fyrir en vildi að einn og tveir á kletti sprikkluðu agnarögn, að hreyfingin og sleipur þarinn ýti skörfum tveim út af. Ekkert er að gerast. Hann húkir enn.
Önd er þar og komin að slaka svolítið á sem skarfagengið lítur ekki á. Og litla sæta öndin skælir. Hló þá allt skarfagengið sem einn skarfur væri "Hahahaha. Önd mar.."